Poesia scritta dal poeta cavourese TOMMASO (“MASO”) PICCA in occasione del Gemellagio CAVOUR-CAVOUR SANTA FE’ nel maggio 1994

"Doi pais amis për sempe"

Nost Cavour l’è gemelasse
Con Cavour ëd l’Argentin–a,
doi pais son ambrassasse
dlà dij mar… "còsa genuin-a.

A unis nòstri pais
na fradlansa, n’ amicissia,
fa piasi sëntisse amis
nèn s–ciav ëd l’ ingiustissia.

Tante còse a n’ ancomun–o,…
da la fede a j’ ideaj,
mila dautre a n’ ancomun–o,…
le speranse sul travaj.

Arcordoma ij nòstri grand
Emigrà ant l’Argentin–a,
partì…fòrse, chissà quand…
sognand là…una cassin–a.

A Cavour porté l’esempi
ëd na granda fratelansa
e al mond pudei fe senti
ëd l’amicissia la fagransa.

Doi Cavour…amis për sempe, 
domie a tuti cost esempe!