La canson dla roca

(del Cav.Ferrero e Dott. Farmacista Lottezzano-1920)

Sponta ‘n mes a la pianura

dominand tut l’orisont

cost caprissi ëd la natura

costa Ròca dël Piemont

ch'a conserva le memòrie

dij sòi bravi difensor

Ch’à ramemora le glòrie

che famos l’an fait Cavor

        Cavor ch’a pieua o fiòca

        ch’a fassa bel o brut

        l’ha sempre la soa Ròca

        c’ha dómina su tut.

        Cantoma tuti ansema

        oh brava gent ed Cavor

        la Ròca a lè l’emblema

        del pì gran bonumor

Chi a veul godi l’aria fin-a

desmentiand ij soi pensè

và a fè marenda o sin-a

a la Cros ò al pian del Rè

a-i-è chi as ferma a San Morissi

perché ij pè là pi nen bon

mentre chi l’è ‘n esercissi

rampia su fin-a al torion

Dapertut as – sent n’ariëtta

che ij polmon a fa slarghè,

dapërtut as god l’ombrëtta

sota al fresch dij castagnè.

Chi ch’à veul pa vni malavi

o dal mal veul varì

vada pà da l’ë spëssiari

ma ch’à ven-a bele sì.

        E voi tòte giovo o veje

        sempre ‘n cerca d’un moros

        bele si peuli troveje

        a dosen-e ij vostri spos.

        Perché ansema a la pòesija

        fà mni veuja ai bej marior

        ëd formesse na famija

        Costa Ròca sì ëd Cavor.